CYFRANOGIAD TENANTIAID

​

Mae First Choice yn cydnabod hawliau ein tenantiaid nid yn unig i ddysgu am faterion tai ond i gymryd rhan hefyd mewn ymgynghoriadau ar strategaethau a pholisïau perthnasol.

Fodd bynnag, rydym yn parchu nad yw pob tenant eisiau cymryd rhan ac efallai mai dim ond yn rhan gyfyngedig y bydd rhai yn dymuno ei chyflawni. Efallai y bydd rhai Tenantiaid yn hapusach i ateb holiadur neu fynd i ddisgo, tra bydd eraill yn dymuno bod yn aelod o Grŵp neu Fforwm Tenantiaid, neu ymwneud â llywodraethu’r Gymdeithas.

Felly, mae'r Gymdeithas wedi datblygu Strategaeth Cyfranogiad Tenantiaid sy'n cynnig amrywiaeth o ffyrdd y gall tenantiaid gymryd rhan.

​

STRATEGAETH CYFRANOGIAD TENANTIAID

​

Mae'r Gymdeithas yn ceisio casglu gwybodaeth gan ein tenantiaid yn unigol yn ogystal ag mewn grwpiau. Gall y prosesau hyn fod yn ffurfiol ac yn anffurfiol.

Mae'r amrywiol opsiynau i denantiaid allu cymryd rhan yn cael eu hanfon at denantiaid newydd First Choice ac maent yn cael eu hamlinellu hefyd yn yr Arolwg Tenantiaid blynyddol. Hefyd, mae'r opsiynau hyn yn cael eu hyrwyddo yng Nghyfarfod Cyffredinol Blynyddol y Gymdeithas ac yn y cylchlythyr chwarterol, Llais y Tenantiaid.

​

LEFELAU CYFRANOGIAD

​

Mae First Choice wedi ymrwymo i gefnogi amrywiaeth lawn o lefelau cyfranogiad gan denantiaid, gan gynnwys:

• Gwybodaeth glir, o ansawdd uchel, i denantiaid am yr holl faterion perthnasol a newidiadau mewn gwasanaethau a'r Gymdeithas.

• Cyfleoedd i fynegi barn a chael eu cynnwys mewn ymgynghoriad ar benderfyniadau a newidiadau arfaethedig yn y Gymdeithas.

• Cyfleoedd i ddylanwadu ar flaenoriaethau a newidiadau arfaethedig, yn gynnar yn y broses, ac i gyfrannu at wneud penderfyniadau.

​

​

​

​

​

​

​

​

​

​

​

​

​

​

​

​

​

​

​

​

​

MAE EIN HAMRYWIAETH O OPSIYNAU CYFRANOGIAD TENANTIAID YN CYNNWYS:

 

GRŴP CYNGHORI TENANTIAID 

Mae'r Grŵp Cynghori Tenantiaid yn gwahodd nifer o denantiaid i gyfarfodydd rheolaidd yn swyddfa First Choice i gael eu barn am eu cartref fel y gallwn drosglwyddo'r farn honno i Dîm Rheoli a bwrdd FCHA i wneud newidiadau arwyddocaol. Gwnaed nifer o newidiadau ers cyflwyno'r Grŵp Cynghori, gan gynnwys ein Cenhadaeth, ein Gweledigaeth a'n Gwerthoedd newydd. ​​​​​​​​​​​​​​​​​

​

GRWPIAU GOLYGYDDOL CYLCHLYTHYR LLAIS Y TENANTIAID

Ar hyn o bryd, mae cylchlythyr y Tenantiaid yn cael ei gynhyrchu bedair gwaith y flwyddyn ar y cyd â'n tenantiaid trwy Grŵp Cylchlythyr. Mae Llais y Tenantiaid yn cynnwys straeon gan denantiaid yn ogystal â gwybodaeth berthnasol am y Gymdeithas.

Mae adrannau rheolaidd yn cynnwys straeon tenantiaid, newyddion cynnal a chadw, adran chwaraeon a newyddion gwyrdd.

 

​CYFARFODYDD ANERCHIADAU TENANTIAID 

Cynhelir Cyfarfodydd Rhanbarthol Anerchiadau Tenantiaid deirgwaith y flwyddyn yn ne, canolbarth a gogledd Cymru. Prif nod y cyfarfodydd yw ymgynghori â thenantiaid ar bolisïau, gweithdrefnau ac arferion gwaith y Gymdeithas. 

 

GWEITHDAI TENANTIAID

Cynhelir gweithdai rhanbarthol i Denantiaid i alluogi tenantiaid i drafod materion yn ymwneud â thenantiaethau gyda thenantiaid eraill a staff y Gymdeithas. Mae'r digwyddiadau hefyd yn cynnig cyfle i'r tenantiaid gymdeithasu, gwella eu gwybodaeth a gwella eu hyder trwy gymryd rhan mewn gwaith grŵp a siarad o flaen eu cymheiriaid.

 

DISGOS A DIGWYDDIADAU CYMDEITHASOL

Cynhelir disgos blynyddol hefyd yng nghanolbarth a gogledd Cymru ar gyfer tenantiaid y gymdeithas.